هل ال overfilling او ال sealer puff ليه تأثير سلبي ام ايجابي ؟!

في الحقيقة الإجابة على سؤال زي دا بصورة مباشرة ( نعم او لأ ) شئ معقعد جداً و مش سهل على اي حد انه يقول اجابة صرحية .

بالرغم من ان الجسم بيعمل inflammatory reaction مع المواد المستخدمة ك sealer و اللي بيختلف نوع و مدة الإلتهاب مع اختلاف نوع المادة المستخدمة و درجة ذوابنها و قدرة الخلايا على ازالتها الا ان في بعض الأحيان هي بتكون ذات تأثير اجابي على علاج الجذور و احيانا بنتعمد نعمل puffing عشان نضمن نجاح العلاج على المدى الطويل و سرعة ال healing periapically … مش طبيعي ولا المفروض انه تعمل puffing و تسيب ال canal من جوا فيها فرافغات او مساحات بسيطة غير ممتلئة و كمان مش المفروض ابداً انك تزيد بطول ال guttapercha عن ال apex و تعمل over extension و بالرغم من ان الجسم بيتسامح مع اخطائنا مرات كتيرة و لكن بعض الحالات بتتعقد و بيصبح علاجها صعب اذا كانت المادة الخارجة من القناة هي ال guttapercha .

و بالتالي تحديد ال working length الصحيح هو اولى اولياتك و تصوير فيلم اشعة على ال master cone و التأكد من وجود tug back دا ضروري جداً … و كنا ناقشنا الموضوع دا في الحلقة الأولى و الرابعة من الموسم الأول من الكربولة و هسيب الروابط للي يحب يرجعلهم في اول تعليق .

>> نرجع لموضوعنا to puff or not to puff ؟!! 🤔🤔

هنلاقي نفسنا امام رأيين طرحهم الباحثون و كل واحد قدم نتائج ابحاث بتدعم رأيه و حتى الآن الخلاف دا لسه قائم و لسه في ابحاث بتشتغل عليه .

** الرأي الأول :

اذا انت محدد الطول صح و ال obturation material كانت fit يبقى مفيش خوف كبير من شوية sealer ممكن يعدوا من القناة لأن الجسم بيتفاعل و بيشيل الزيادة دي خلال ايام مع اغلب انواع ال sealer حتى و ان كان الموضوع غير مريح للمريض و بيسبب ألم و لكن ممكن على المدى الطويل يكون مفيد جداً خصوصا في حالات كان فيها periapical lesion او non vital .

لو بصينا في الصور في اول تعليق هنلاقي ان في حالات بيكون فيها lateral and accessory canal و دي مستحيل تعمل فيها obturation بال guttapercha بالطرق التقليدية ، بل و صعب كمان انك تعمل ليها cleaning و كنا ناقشنا الموضوع دا في الحلقة السابعة من الموسم الأول بعنوان Active irrigation و ازاي افتح القنوات الجانبية و انضفها …. بس لو انت نضفتها و فشلت انك تملأ الفراغات و القنوات دي بال obturation material يبقى انت سبت فراغات ممكن يتراكم فيها البكتيريا بعدين و تسبب فشل في العلاج و بالتالي انك تعمل puffing عشات تضمن انك دخلت ال sealer في الفراغات دي ممكن يكون شئ يستحق التعب و الألم اللي ممكن يواجهه المريض بعد العلاج لمدة يوم او اثنين .

كمان بيعتقدوا ان ال inflammation اللي بيحصل بيسرع من عملية ال healing و ال bone reposition في حالات ال periapical lesions و ال Bone resorption .

** الرأي الثاني :

في باحثين كتير بلغوا في نتائج ابحاثهم ان وجود مادة الفورمالديهيد او البارافورمالديهيد في بعض مواد ال sealer و كمان مادة ال eugenoul لما بتلامس periapical tissue directly ممكن تعمل permanent damage و كمان ممكن تسبب bone necrosis و في بعض المضاعفات اللي حصلت زي الأحساس بخدل في الجزء دا نتيجة damage حصل لل nerve endings في المكان دا و كمان في حالات حصل فيها sensitivity عالية جداً استمرت لأسبوع و بالتالي كان لازم يعملوا apicoectomy .

في بعض الحالات كمان لما بيكون في structure زي ال maxilary sinus قريب زي في حالات ال upper six لو ال sealer عدى ممكن يدخل في ال sinus او يفضل على السطح بتاع ال sinus floor من بره لأن حالات كتير بيكون mesiobucal root في قلب ال sinus و بيفصله عنه طبقة بسيطة جداً من ال bone و ال soft tissue و لأن ال blood supply قليل جداً في مكان زي دا فعمليه ازالة ال sealer buff بتاخد سنة او اكثر من الجسم .

في بعض الحالات اللي بيكون فيه vital structure قريب جداً زي ال mandibular nerve في حالات ال lower premolars بلغ بعض الباحثين ان في permanent damage حصل و سبب numbness للعيان في الجزء الأمامي من ال mandible و ان في الحالات اللي زي دي التدخل السريع ب apicoectomy و curettage كان ممكن يمنع المشكلة .

** طيب ازاي اقدر اعمل obturartion كويس ب minimal over obutration ؟

هنتكلم عن طريقتين سهلين جداً و متوفرين لأي حد و هنتكلم بعدين عن الطرق الحديثة واللي بالطبع مكلفة او بتطلب وجود اجهزة او ادوات مش موجودة عندنا جميعاً .

1- اول حاجة لما تخلص ال cleaning & shaping بنفس الطريقة اللي اتكلمنا عنها في حلقة ال active irrigation بتعمل تنشيف جيد جداً للقنوات ب paper point على نفس مقاس ال master cone بتاعك و تتأكد ان مفيش blood بيظهر على ال tip بتاعتها و بعدين بتجيب ال sealer على ال master cone guttapercha و تبدأ تعمل delivery ليه في القناة مرة او اثنين و بعد كده تبدأ تعمل pumping action بال cone في القناة لمدة 20 ثانية و لو المريض حس بألم بتوقف العملية و تبدأ بعد كده تعمل condensation و تحط auxiliary cones .

2- الطبيعي في ال obturation بنستخدم spreader كبير اكبر من ال guttapercha اللي بنحطها بمقاس و لكن لما توصل انك مبقتش قادر تدخل ال spreader في القنوات اكتر دا مش معناه ان كل الفراغات اتقفلت ، و بالتالي لسه في sealer كتير بين ال gutta percha cones ممكن نستفيد منه بأننا نعمله push laterally and coronally عن طريق اننا نستخدم spreader صغير مقاس 20 مثلا و ندخله هنلاقيه دخل و بيخلق معانا مساحات جديدة مكنتش موجودة و بعدين ندخل تاني وراه بال spreader الكبير هنلاقيه بدأ يوصل لمسافة كبيرة في القناة بعد ما كان بالعافية بيدخل بعد ال orifice ب ملل او اتنين ، بالطريقة دي هنبدأ نزود ال auxiliary cone ب 2 او 3 و هنقلل الsealer اللي في القنوات دا هيعملي very dense obutration و كمان هيساعد على ملئ الفراغات الجانبية والقنوات .

في طبعاً طرق كتير احدث زي استخدام ال ultrasonics , endo activators و غيرها و دي هنتكلم عنها في الحلقة اللي هتنزل خلال اسابيع على قناتنا على اليوتيوب و لكن الطريقتين دول يعتبروا ابسط حاجة متوفرة للجميع و بتجيب نتائج جيدة الى حد ما .

– كمان مهم جداً نفهم المريض ان هيكون في ألم بعد العلاج لمدة يوم او اتنين و دا شئ وارد لأن الجسم في الأول بيبقى لسه مش متعود على مادة حشو العصب و لكن بيروح الأحساس دا مع الوقت و ممكن نستخدم مسكن عند اللزوم عشان المريض ميفقدش ثقته في علاجك لو حصل اي جزء من sealer عدى من القنوات و عمل ألم .

شاركونا برأيكم في الموضوع و ايه الرأي اللي بتفضله ………. 🤗🤗

انتظرونا و مواضيع اكثر و فيديوهات اكثر ، متنسوش تعملو share 😉😉

1 فكرة عن “هل ال overfilling او ال sealer puff ليه تأثير سلبي ام ايجابي ؟!”

اترك رداً على خالد ماجد إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *