🎁🎁الموضوع دا المواضيع اللي لم تحسم حتى الآن و كل واحد فينا ليه رأي مختلف و لكن خلونا نتكلم بموضوعية شوية و بدون تحيز أعمى لرأي لسبب او لآخر .
🤷♂️🤷♂️اغلب مصنعين ال handpiece بيدعموا رأي التزييت قبل التعقيم لأن دا بيحافظ على سلامة ال Handpiece و بيطول عمرها و ان التزييت مش بيمنع التعقيم ولا حاجة و لكن هل الكلام دا حقيقي ؟!!
✔️✔️على النقيض اغلب الأبحاث اللي اتنشرت عن الموضوع دا بتدعم رأي ان الزيت بيمنع تغلل البخار في الكونترا و خصوصا في ال Tubes الضيقة و ان كثافة الزيت كمان بتأثر على الموضوع دا فكل ما كثافته زادت كل ما كان التعقيم اقل و انهم لما عملوا contamination للكونترا ب spores و دخلوها التعقيم وجدوا ان ال spores فضلت active بعد التعقيم و بالتالي التعقيم مكنش صحيح ي الحالة دي ، بالرغم ان الأبحاث دي كانت ضعيفة جداً و النتائج اللي توصلوا ليها كان فيها تضارب و ان بعض الكونترات اللي متحطش فيها زيت برضوا ال spores فضلت عايشة الا ان النتائج دي غير مطمئنة .
👍👍من مبدأ ان صحة وحياة المريض فوق اي أعتبار كان لازم انوه عن اهمية تعقيم ال handpiece بعد كل مريض و ان منستخدمش نفس ال handpiece لمريض آخر و منحطش زيت قبل التعقيم و لازم نمسح السطح بتاع الكونترا و ننظفه كويس ب antimcrobial agent او كحول و نشيل اي رواسب عليه قبل ما تدخل التعقيم و ان الكونترا تتحط في الجهاز بصورة رأسية و ليست افقية بحيث تكون ال tubes لتحتو الرأس لفوق و يفضل التعقيم بجهاز بيستخدم ال vacum technology اللي هوا class B لضمان التعقيم الأفضل للكونترا حتى و ان كان دا بيأثر على عمرها و بينقص منه و ان حياة و صحة مريض واحد لا تساوي ثمن الف كونترا و لا تنجرف مع اراء مصنعين الكونترا و من يبيعوها .
اذا قرأت هذا المقال فرجاءاً طور من منظومة التعقيم عند في عيادتك فأنت مسئول امام الله