موضوع ال Gear Ratio بإيجاز عشان شاغل بال ناس كتير :
في 3 انواع من ال Electric driven contra angle
– speed increasing ( color code : Red )
– speed reduction ( color code : green )
– Neutral speed 1:1 ( color code : blue )
المواتير الكهربية في طب الأسنان المستعملة كانت بتطلع سرعات 15,000 ل 45,000 لفة في الدقيقة فيعملوا ايه عشان يجيبوا سرعات اعلى من كده عملوا الكونترا الحمراء اللي شايفينها ترس صغير بيقابله ترس كبير مثلا 1:5 فيطلع من 40 الف لفة في الماتور 200 الف لفة في الدقيقة على الكونترا … يعني تقريباً نفس سرعة ال air driven high speed handpiece و دي ملهاش اي استخدام في الإندو دي بتاعة crown اكتر .
تاني حاجة الماتور اللي بيطلع سرعة 40 الف لفة دا لو حطيت ترس صغير قصاد الترس الكبير 16:1 مثلاً فيقلل السرعة اللي طالعة من الماتور بالقسمة على 16 يبقى فيطلع سرعة في الكونترا 2500 فلو انت مشغله على سعرة 15 الف لفة مثلاً يديك 900 rpm
طيب لو ترس الكونترا نفس حجم الترس اللي في الماتور 1:1 يبقى السرعة اللي هنا تطلع هنا مفيش اختلاف فيها .
طيب احنا في الاندو بنستخدم انهي نوع ؟!! النوعين الأخضر و الأزرق … طب انا يهمني الموضوع دا في ايه … ميهمكش كتير في الأنواع الجديدة من المواتير دا موضوع يهم المهندس و المصنع هيركب ماتور صناعة ايه بمواصفات ايه و يجيب كونترا مناسبة ليه لأن اغلبهم بيجيب الماتور من اليابان مثلا او المانيا و يعمله علبة بلاستيك و وحدة تحكم و كونترا .
طب كان في مواتير زي Nsk و X smart و زي الراجل المحترم اللي قرب ينقرض E-Cube بينزل فيهم Gear control unit زرار كده بتتحكم في نوع ال Gear هسيبلكم صورهم في اول كومنت ، الماتور بيجي معاه كونترا 16:1 بيستخدم gear 16 :1 طب لو غيرا ال Gear يبقى السرعة اللي هتطلع عالكونترا هتكون مش صحيحة زي اللي مكتوب عالشاشة …. طب انت حبيت تستبدل الكونترا بتاعتك و جبت كونترا gear مختلف اختاتر ال gear المناسب ليها في الجهاز ، طب انت حابب تعمل سرعات كبيرة من الماتور مثلا عشان تشغل Gates glidden او اي استخدام اخر غير الإندو يبقى تختار Gear مختلف يضاعف السرعات او يقللها حسب الكونترا اللي انت مركبها و تحسب حساباتك انت بقى .
الموضوع يلخبط شوية و لكن ميهمكش كتير داخل العيادة و لا يفرق معاك في الصيانة الا لو انت هتشتري قطع غيار من شركة غير الشركة اللي جبت منها الماتور بتاعك مثلا فتلاققي الكونترا ال 1:1 ارخصهم في مصر و الgears التانية اغلى شوية طب بعض الشركات بتسوق لنقطة ان الكونتر ال 1 : 1 مشاكلها اقل … برضوا الموضوع مش بالحجم اللي انت متخيله ولا بيفرق معاك في حاجة و لما جهازك بيعطل عموما انت بتبعته للشركة بتاعته و بتريح دماغك .
اتمنى اكون وضحت الجزء الخاص بال Gear و لو لسه عندك اسألة اكتر متسألنيش لأني معرفش في الموضوع دا اكتر من اللي قلته 
، شوفلك مهندس ميكانيكا يفهمك القصة دي افضل و لو عندك اي اضافات على اللي قلته شرفنا بتعليقك 
